Олар майыс 21-23 куньлери Къазанда отькериледжек джиан чемпионатына къатылмакъ укъукъына малик олмакъ ичюн курештилер. Ярышнынъ ачылышында «Куреш» миллий федерациясынынъ президенти, Олимпия чемпионы Рустем Казаков, Миллий Меджлис Реисининъ биринджи муавини Рефат Чубаров, Миллий Меджлис азалары ве ярышнынъ спонсоры Энвер Арпатлы селямлав сёзлеринен чыкъышта булундылар.
Къырымнынъ чешит ерлеринден, Запорожьеден, Винницадан, Мариупольден, Харьковдан, Херсон ве Одессадан кельген спортчылар ярышны башламаздан эвель, сюргюнлик къурбанларынынъ хатырасыны бир дакъкъалыкъ сукюнет иле урьметнен анъдылар.
Ярыш нетиджелерине коре, Къазандаки джиан чемпионатында Къырымны ашагъыдаки курешчилер такъдим этеджеклер:
- 65 кг. Якъуб Ахтемов, Олимпия ихтият (резерв) окъув юрту,
- 75 кг. Абкерим Юнусов, Отар Мойнакъ (Уютное) кою, Сакъ районы,
- 85 кг. Амид Аблямитов, КъМПУ,
- 100 кг. Марлен Чауш, КъМПУ,
+ 100 кг. Ремзи Аблякимов, КъМПУ
Все комментарии [ 0 ]