Аджылар Акъмесджиттен Истанбул ёлунен Медине шеэрине бардылар. Мединеде бир къач кунь кечирген сонъ, аджылар севимли пейгъамберимиз Мухаммед Мустафанынъ (с.а.в.) къабрини ве Ислям тарихында муим олгъан мекянларны зиярет этеджеклер. Сонъра, Арфе кунюне якъын, аджылар автобусларнен Мекке-и Мукерремеге барып, Къурбан байрамыны анда къаршылаяракъ, аджылыкънынъ бутюн шартларыны эда этеджеклер. Ноябрьнинъ 15-де де, се-метдешлеримиз Джидда-Истанбул-Акъмесджит ёлунен Ватангъа къайтмагъа азырланаджакълар. 23 кунь девамында аджылар мукъаддес топракъларда мусафир оладжакълар.