Конференцияны ерли меджлислерге сайлавларнь азырлав ве отькерюв боюнджа комиссиянынъ реиси Р. Чубаров ачты.
Судакъ региональ конференциясынынъ ишинде Миллий Меджлис реиси Мустафа Джемилев, V Къурултайнынъ Тефтиш комиссиясынынъ реиси вазифесини эда этиджи Къуртсеит Абдуллаев, Миллий Меджлис Кятибатынынъ ёлбашчысы, ерли меджлислерге сайлавларны азырлав ве отькерюв боюнджа комиссиянынъ кятиби Заир Смедляев, Миллий Меджлис азасы, Ички региональ меджлисининъ реиси Абмеджит Сулейманов, Судакъ регионындан сайлангъан Къурултай делегатлары ве Судакъ регионынынъ акъсакъаллары иштирак эттилер.
Судакъ регионынынъ меджлис реиси вазифесине учь адам - Фикрет Алиев, Ильвер Аметов ве Сеит-Исмаил Абдурахманов теклиф этильдилер. Озь невбетинде Сеит-Исмаил Абдурахманов сайлавларда иштирак этмекни ред этти.
Гизли рей берювден сонъ бойле нетиджелер илян этильди: 27 конференция иштиракчиси озь рейлерини Ильвер Аметов ичюн, 21 адам исе — Фикрет Алиев ичюн берген. Вир бюллетень «бозулды» дел танылды.
Эсаплав комиссиясынынъ протоколына коре, Судакъ региональ меджлисининъ реиси оларакъ къырымтатар миллий арекетининъ фааль иштиракчиси Ильвер Аметов сайланды. Белли ки, «Ерли идаре этюв органлары акъкъында Низамнаме»ге бинаэн региональ меджлиснинъ теркибине эписи ерли меджлислернинъ реислери автоматик суретте кирсетиле ве даа эки аза региональ конференциянынъ къарары боюнджа кирсе-тиле. Шу себептен, Р. Чубаров Судакъ меджлисининъ реисине якъын вакъытта меджлиснинъ биринджи топлашувыны отькерип, меджлис эркяныны тасдикъламакъны, тевсие этиледжек намзетлер акъкъында тюшюнмекни авале этти.
Миллий Меджлис реиси М. Джемилев янъы сайлангъан реисни хайырлап конференция иштиракчилерине озь миннетдарлыгъыны бильдирди. М. Джемилев чокъ вакъыттан берли Судакъ региональ меджлиси чалышмагъаныны хатырлатып, янъы сайлангъан меджлис азалары эндиден сонъ фааль чалышаджакъларына ишанч бильдирди.