«Нафтогаз Украины» компаниясы къыздырув мевсимининъ сонъунда эали ичюн газ фиятыны даа 26 фаиызгъа юксельтмекни (планлаштыра. Бу акъта компаниянынъ март 11 куню Харьковда олып кечкен топлашувында идаре реиси Евгений Бакулин илян этти.«Биз, тарифлерни планлы суретте арттыраджагъымызны айткъан  эдик. Буны къыздырув мевсимининъ сонъунда япкъанымызнынъ себеби шунда ки, эалиге пек къатты тесир этмесин», —деди Е. Бакулин.

........................................................................................................

Къырым Юкъары Шурасы ве Къырым Назирлер шурасынынъ аппарат хадимлерининъ сайысы къыскъартылды. Юкъары Шуранынъ пленар сессиясында къабул этильген къараргъа мувафыкъ Юкъары Шура Кятибиети ве Ишлер идаресининъ янъы теркиби тизильди. Кятибиетте энди 93 адам, Идареде исе 203 адам чалыша. Лягъу этильген болюклернинъ вазифелери янъы тизильген болюклер арасында такъсимленеджек.
Къырым Назирлер шурасы аппаратында япылгъан денъишмелерге коре 32 хадим къыскъартылды.Энди КъМДж иДжра акимиети органларында эписи олып 955 адам чалышаджакъ, эвель оларнынъ сайысы 1135 хадимни тешкиль эте эди.

..................................................................................................................................

Украинада чапышкъан тюркиели иш адамлары, шу джумледен, банк къуруджылыгъы, халкъ исти-малы маллары истисалынен мешгъуль опгъан бизнесменлер Украинадаки озь фаалиетлерини кенишлетмек мерамларыны бильдирдилер. Бу акъта опар Украина Баш назири Николай Азаров иле Истанбулда олгъан корюшювде хабер эттилер.
Меселя, къуруджылыкъ бизнеси векиллери Украинада хастаханелер къуруджылыгъынен меракъланып, шеэр къуруджылыгъы боюнджа янъы къанун бунъа онъайтлы имкян яраткъаныны айттылар.
Бунынъ киби де Украина ве Тюркие арасында мал дёнюмини эки йыл ичинде 2,5 кереге арттырмакъ акъкъында мукъавеле имзаланды.
«Биз мал дёнюмини 10 миллиард долларгъа еткизмек макъсадыны козьде тутамыз», — деди Никопай Азаров. Онынъ айткъанына коре, бу мевзу Тюркие Баш назири Реджеп Эрдогъан Киевде булунгъанда да музакере этильген.