Буюк джамимиз ичюн ер айырув меселеси бир къач йылдан берли созулып, сиясий давалар ичюн себеп олгъан эди. Акъмесджит шеэр шурасынынъ депутатлары шу Ялтинская сокъагъында джами къурмакъ ичюн ер айырув акъкъындаки кенди къарарларындан вазгечип, Луговая, адресини косьтерип, Ялтинскаядаки ерни аджеле суретте «Юбилейный» орман багъчасы, деп адландырдылар. Бунынънен разы олмагъан Къырым мусульманларынынъ диний идареси Къырым Ходжалыкъ махкемесине мураджаат этти.
2002 сенеси майыс 12-де Ходжалыкъ махкемеси мусульманлар идаресининъ Буюк джами ичюн Ялтинская 22-де топракъ айырув боюнджа иддасыны къанаатлендирди. Акъяр Апелляция махкемеси де къарарны тасдикълайджакъта Къырым Прокуратурасы Украина Алий ходжалыкъ махкемесине мураджаат эте. Бу ишнинъ нетиджеси энди белли. Агъымдаки сененинъ январь 26 куню Киев шеэринде къарар чыкъаргъан Украина Алий ходжалыкъ махкемеси Ялтинская, 22-де Буюк джами къуруджылыгъы ичюн топракъны киралав боюнджа анълашма тизильмесини авале этти.
Be, мына, къырымлы мусульманларнынъ Алланынъ ирадеси иле башлагъан хайырлы иши ичюн ёл кене ачылып, иншалла, тезден къуруджылыкъ да башланыр.