ГРИЦЕНКОНЫ ЯКЪАЛАДЫЛАР

Украина Баш прокурорынынъ муавини Степан Молицкийнинъ бильдиргенине коре, Къырым Юкъары Шурасынынъ сабыкъ реиси Анатолий Гриценко кой ходжалыгьына аит топракъларны къанунсыз даркъатып ёллагьаны ичюн 7 йылдан 10 йылгьа къадар махкюм этиле биле. «Ал-азырда Гриценко тевкъиф этильди. О, Акъмесджиттеки изоляторда булуна», — деди С. Молицкий.

КЕФЕДЕ ЭКИ ЯНЪЫ ЭВ КЪУРУЛАДЖАКЪ

Кефе шеэринде сюргюнликтен къайтып кельген гражданлар ичюн эки чокъкъатлы эвнинъ къурулмасы планлаштырыла. Бундан да гьайры ёлларгьа асфальт тёшемек ичюн 120 бинъ ве Аджыголь къасабасында ёлларны ярыкълатув агъларынынъ тамирине 100 бинъ гривня айырыла.
Кефе шеэр шурасынынъ малюматларына коре, Челноково массивинде 108 квартиралы, Приморское   къасабасында 70 квартиралы эв къурмакъ козьде тутула. Эвлердеки квартиралар мескен невбетинде тургъан адамларгъа бериледжек.

АМЕТХАН СУЛТАННЫНЪ ХАТЫРАСЫНА

Бу йыл февраль 1-де къырымтатар халкъынынъ шанлы эвляды, дюньяджа белли учуджы, Советлер Бирлигининъ эки дефа Къараманы Аметхан Султаннынъ фаджиалы эляк олгъанына 40 йыл тола. Бу мунасебетнен Акъмесджитте И. Франко адына джумхуриет китапханесинде махсус серги ачылды.