Сергиде Рамиз бейнинъ айны Каста­мону зиярети девамында япкъан 10 эсери нумайыш этильди. Рессам эсерлерининъ баш мевзусы Кастамону шеэрининъ къадимий къысмы олып, зияретчилерни айретте къалдырды. Рессам ве мимар къабилиетини озь иджадында муджессемлештирген Рамиз онъа хае усталыкънян ягкидйн къалгъан ядикярлыкъларны бугуньки манзаранен бирлештире бильди.  Онынъ  «Тюркиеде  ильк  гедже»,

«Шейх Шабан ве Вели къалеси», «Чечек мааллеси», «Кас­тамону къалеси» киби эсерле­ри сейирджилерге бир чокъ эеджанлы дакъкъалар багъышлады. Шеэрнинъ сакинлери де борджлу къалмадылар — шеэр беледиесининъ башы Рамиз Нетовкинге невбеттеки мукяфатны такъдим этти.
Энди 14-нджи кере бу гузель шеэрде булунгъан Рамиз Нетовкин янъы эсерлерге кучьлю бир сильтем, ильхам алып къайтты. «Кучюк бир шеэрчик олып, сокъакълары  Къырымны анъдыргъан Каста­мону озюнинъ къадимий ядикярлыкъларыны сакълав, къорчалав, оларны дюньягъа танытувда башкъаларына ибрет ола билир, — дей Рамиз бей. Мында джамилер, азиз ерлер даимий незарет, дикъкъат алтындалар».
Бир чокъ йылдан берли отькерильген ишбу фестиваль тюркий иджаткярларны бирлештирмек, иджадий макъсадниетлеринен пайлашмакъ, фикирлешмек имкяныны бере. Виз исе истидатлы рессамымызгъа Тюркиеде ве умумен четэльде косьтерильген сайгъы ве дикъкъаттан гъурур дуямыз ве Рамиз Нетовкинге янъы мувафакъиетлер, гъаелерининъ омюрге кечмесини тилеймиз.
Джумхуриет къырымтатар санат музейи.